Ամերիկան պետք է բացատրություն տա և փոխհատուցի Իրանին հացված վնասը․ Աբբաս Արաղչի
Վաշինգտոնը պետք է փոխհատուցի Իրանի միջուկային ծրագրին ԱՄՆ զինված ուժերի հարվածներից պատճառված վնասը, նախքան Թեհրանը համաձայնի վերսկսել բանակցային գործընթացը: Այս մասին հայտարարել է Իսլամական Հանրապետության արտաքին գործերի նախարարության ղեկավար Աբբաս Արաղչին։ Հաղորդում է Financial Times-ը։
«Ամերիկան պետք է բացատրի, թե ինչու են հարձակվել մեզ վրա բանակցությունների ընթացքում և երաշխավորի, որ դա այլևս չի կրկնվի։ Նրանք պետք է փոխհատուցեն Իրանին հասցված վնասը», - ասել է Իրանի ԱԳ նախարարը։
Հիշեցնենք՝ ավելի վաղ հայտնել էինք, որ Թրամփի վարչակազմն Իրանի դեմ կիրառել է մինչ օրս ամենախոշոր պատժամիջոցների փաթեթը։
