ԱՄՆ-ն Իրանի դեմ պատժամիջոցների ամենախոշոր փաթեթն է սահմանել
Թրամփի վարչակազմն Իրանի դեմ կիրառել է մինչ օրս ամենախոշոր պատժամիջոցների փաթեթը։ Այս մասին հայտարարությամբ է հանդես եկել ԱՄՆ ֆինանսների նախարարությունը։
Նոր պատժամիջոցները թիրախավորում են ավելի քան 50 անձանց և կազմակերպությունների, որոնք կապված են Մոհամմադ Հոսեյն Շամխանիի՝ Իրանի գերագույն առաջնորդի խորհրդական Ալի Շամխանիի որդու հետ։
«Ավելի քան 115 պատժամիջոցային փաթեթներ, որոնք սահմանվել են այսօր, խոշորագույնն են Դոնալդ Թրամփի վարչակազմի կողմից Իրանի վրա առավելագույն ճնշում գործադրելու արշավի մեկնարկից ի վեր։ Քանի դեռ Թեհրանը սպառնում է Միացյալ Նահանգների անվտանգությանն, այս միջոցներն Ամերիկայի համար բավականին նպաստավոր կլինեն»,- ասված է ֆինանսների նախարար Սքոթ Բեսենտի հայտարարության մեջ:
