Ռուսաստանին «ահաբեկչության հովանավոր» անվանելը՝ կունենա իր պատասխանը. Զախարովա

Ռուսաստանը Բուլղարիայի իշխանություններին հիշեցնում է, որ ՌԴ-ի և նրա քաղաքացիների նկատմամբ ցանկացած ագրեսիվ ապօրինություն առանց համարժեք պատասխանի չի մնում: Այս մասին ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։

«Եվրոպական մի շարք պետությունների օրենսդիր ժողովներ նման հայտարարություններով աչքի են ընկել դեռևս մի քանի տարի առաջ: Իսկ հիմա բուլղարացի պատգամավորները, փորձելով հետևել Եվրոպային, թեկուզ փոքր-ինչ ուշացած, բայց բռնել են Ռուսաստանին իբր «ահաբեկչության հովանավոր» պիտակավորելու իրենց էությամբ թերի գիծը»,- ասել է Զախարովան։

Նրա խոսքով՝ սրանք այն նույն արևմտականներն են, որոնք ամեն օր գումար են փոխանցում և զենք մատակարարում Կիևի ռեժիմին, որը չի թաքցնում, որ ահաբեկչական գործունեություն է ծավալում: