Հայրենիքի վաճառքն ամենասարսափելի հանցագործություններից է․ Զախարովան՝ Ամերիկայի մասին

Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան «Ռիա Նովոստի»-ին մեկնաբանել է ԱՄՆ-ի կողմից Ռուսաստանից Կոմանդոր կղզիները գնելու գաղափարը։

«Սա սկզբունքորեն մեկնաբանելու արժանի չէ, քանի որ մեր երկրում Հայրենիքի վաճառքը համարվում է, թե՛ օրենքով, թե՛ խղճով, ամենասարսափելի հանցագործություններից մեկը», - ասել է Զախարովան։

Ավելի վաղ, փոխգնդապետ Ջեֆրի Ֆրիցը, որը ծառայում է Էստոնիայում՝ ԱՄՆ բանակի անվտանգության հրամանատարության կազմում, առաջարկել էր դիտարկել Կոմանդոր կղզիները Ռուսաստանից գնելու հնարավորությունը: Ֆրիցը նշել էր, որ ԱՄՆ-ն կարող է օգտագործել Կոմանդոր կղզիները՝ Արկտիկա տանող չինական սուզանավերի հնարավոր ակտիվությունը վերահսկելու համար: