Ադրբեջանը Թուրքիայի տարածքով գազ կմատակարարի Սիրիային

Այս տարվա օգոստոսի 1-ից կսկսվի ադրբեջանական բնական գազի մատակարարումը Սիրիա՝ Թուրքիայի տարածքով անցնող Քիլիս խողովակաշարով։

«Սիրիայի վերակառուցման գործում կարևոր քայլ համարվող նոր էներգետիկ խողովակաշարը նախատեսվում է շահագործման հանձնել օգոստոսի 1-ին։ Ադրբեջանից բնական գազը Սիրիա կհասցվի Քիլիս խողովակաշարով՝ Թուրքիայի տարածքով։ Այս նախագիծը նպատակ ունի նպաստել Սիրիայի վնասված էլեկտրական ենթակառուցվածքների վերականգնմանը և ամրապնդել Թուրքիայի՝ տարածաշրջանային էներգետիկ կենտրոն դառնալու նպատակը», - գրել են Թուրքական ԶԼՄ-ները:

Առաջին փուլում նախատեսվում է տարեկան Սիրիա ուղարկել 1,2 միլիարդ խորանարդ մետր բնական գազ։ Գազը կանցնի Թուրքիայի սահմանին գտնվող Քիլիս քաղաքով և կհասնի Հալեպի և Հոմսի էլեկտրակայաններ, որտեղ կօգտագործվի էլեկտրաէներգիայի արտադրության համար։ Դրա շնորհիվ նախատեսվում է մոտավորապես 1200-1300 մեգավատ արտադրական հզորություն։