Գագիկ Ծառուկյանը դատի է տվել Աբովյան համայնքին
«Բարգավաճ Հայաստան» կուսակցության առաջնորդ Գագիկ Ծառուկյանը դատական հայց է ներկայացրել Կոտայքի մարզի Աբովյան համայնքի դեմ։ Այս մասին տեղեկացրել է «Դատալեքս» դատական-տեղեկատվական համակարգը։
Հայցադիմումով Ծառուկյանը պահանջել է անվավեր ճանաչել Աբովյան համայնքի 27․05․2025 թվականի որոշումը։
Այլ մանրամասներ համակարգում չկա ներկայացված:
Կոտայքի համայնքապետարանի կայքում, առկա է Ծառուկյանի վերաբերյալ որոշումը։ Ըստ այդ որոշման՝ Ծառուկյանը 100 հազար դրամի չափով տուգանվել է հողամասը ոչ նպատակային նշանակությամբ օգտագործելու համար
Վարչական գործը մակագրվել է դատավոր Անի Չիլինգարյանին: Նշենք, որ Աբովյանի ներկայիս համայնքապետը Էդուարդ Բաբայանն է, որը նախկինում Ծառուկյանի թիկնազորի պետն էր։
