Starlink-ի ծառայությունն ամբողջությամբ խափանվել է. Մասկը խոստացել է վերականգնել
Ամերիկյան Starlink ընկերությունը հայտարարել է իր արբանյակային ինտերնետի ցանցում խափանումների մասին։ Ընկերության մասնագետներն արդեն աշխատում են խնդրի վերացման ուղղությամբ:
Starlink-ի սեփականատեր Իլոն Մասկը X սոցիալական ցանցում ներողություն է խնդրել խափանման համար՝ վստահեցնելով, որ կապը շուտով կվերականգնվի:
«Մենք արագ կվերականգնենք ծառայությունը: Ներողություն խափանման համար: SpaceX-ը կբացահայտի և կվերացնի խնդրի պատճառը՝ հետագա կրկնությունները բացառելու համար», - գրել է նա:
