Մահացել է հայտնի ռոք երաժիշտ Օզի Օսբորնը
Heavy metal-ի աստղ Օզի Օսբորնը կյանքից հեռացել է Black Sabbath խմբի իր գործընկերների հետ վերամիավորվելուց և երկրպագուների համար մեծ հրաժեշտի համերգից ընդամենը մի քանի շաբաթ անց: Տեղեկատվությունը Sky News-ին փոխանցել է նրա ընտանիքը:
«Այնպիսի տխրությամբ, որը պարզ բառերով հնարավոր չէ փոխանցել, մենք ստիպված ենք տեղեկացնել, որ մեր սիրելի Օզի Օսբորնը մահացել է այսօր առավոտյան: Նա իր ընտանիքի հետ էր և շրջապատված էր սիրով»,- նշվում է հրապարակման մեջ:
Հավելենք՝ Օսբորնը մահացել է Բիրմինգհեմում իր «վերջին հրաժեշտի համերգից» ընդամենը 16 օր անց։ Այդ ժամանակ նրան բեմում 20 տարվա ընթացքում առաջին անգամ միացան Black Sabbath ռոք խմբի դասական կազմի ներկայացուցիչները՝ կիթառահար Թոնի Այոմին, բասիստ Գիզեր Բատլերը և թմբկահար Բիլ Ուորդը։
