Ազգային հպարտության հարց է ուրանի հարստացումը. Իրանի ԱԳ նախարար
Ամերիկայի Միացյալ Նահանգների օդային հարվածներից հետո Իրանում ուրանի հարստացման գործընթացը ժամանակավորապես դադարեցվեց։ Այս մասին Fox News-ին տված հարցազրույցում հայտարարել է Իրանի արտաքին գործերի նախարար Աբբաս Արաղչին։
«Ներկայումս Իրանում ուրանի հարստացումը կասեցված է, քանի որ կրած վնասները շատ լուրջ են:
Սակայն ակնհայտ է, որ մենք չենք կարող ամբողջությամբ կանգնեցնել այս գործընթացը։ Սա մեր գիտնականների նվաճումն է, և այժմ այն դարձել է ազգային հպարտության հարց», - ընդգծել է Իրանի ԱԳ նախարարը:
