Կեղտոտ քաղաքականացված արշավ․ ՌԴ ԱԳՆ-ն` Պուտինի վերաբերյալ արված հայտարարության մասին
Axios հրատարակությունը օրեր առաջ հոդված էր հրապարկել, ըստ որի Ռուսաստանի նախագահ Վլադիմիր Պուտինը, կոչ է արել Իրանին ընդունել ԱՄՆ-ի հետ կնքված միջուկային համաձայնագիրը, որը նախատեսում է ուրանի զրոյական հարստացում, «կեղտոտ քաղաքականացված արշավ» է, ասվում է Ռուսաստանի արտաքին գործերի նախարարության հայտարարության մեջ։
«Կարելի է միայն կռահել, թե այս անգամ ով էր պատվիրատուն, սակայն թերթի վերջին հրապարակումներից մեկը՝ «Սենսացիա. Պուտինը կոչ է անում Իրանին ընդունել ԱՄՆ-ի հետ «զրոյական հարստացում» ենթադրող գործարքը», ակնհայտորեն ևս մեկ կեղտոտ, քաղաքականացված արշավ է, որը մեկնարկում է Իրանի միջուկային ծրագրի շուրջ լարվածությունը սրելու նպատակով», - նշել են դիվանագիտական գերատեսչությունում։
Նախարարությունը շեշտել է, որ Մոսկվան հետևողականորեն և բազմիցս ընդգծել է Իրանի միջուկային ծրագրի շուրջ ճգնաժամը բացառապես քաղաքական և դիվանագիտական միջոցներով լուծելու անհրաժեշտությունը և հայտնել է իր պատրաստակամությունը՝ օգնելու փոխադարձաբար ընդունելի լուծումներ գտնելու հարցում։
«Մենք կոչ ենք անում պատասխանատու համաշխարհային լրատվամիջոցներին հիմնվել տեղեկատվության պաշտոնական աղբյուրների վրա, խորությամբ ուսումնասիրել թեման և չտարածել կեղծ տեղեկություններ», - եզրափակել է Ռուսաստանի արտաքին գործերի նախարարությունը։
