Արթուր Սարգսյանը ՔԿ-ում է և վստահ է, որ իրեն կձերբակալեն

Մինչ ՀՀ Ազգային ժողովը քննում է «Հայաստան» խմբակցության անդամ Արթուր Սարգսյանին ազատությունից զրկելուն համաձայնություն տալու ՀՀ գլխավոր դատախազ Աննա Վարդապետյանի միջնորդությունը, Սարգսյանը գնացել է ՀՀ քննչական կոմիտե` վստահ լինելով, որ իրեն կձերբակալեն։

«Այս կալանավորումները հենց իրենց վախերն են, և մեր կալանավորումներով ոչինչ չի վերջանալու։ Ես վստահ եմ, որ մեր հայ ազգը ոտքի է կանգնելու և հեռացնելու է այս դավաճան իշխանություններին»,–ասաել է Սարգսյանը։

Հիշեցնենք` պատգամավոր Արթուր Սարգսյանին անձեռնմխելիությունից զրկելու միջնորդությանը կողմ քվեարկեց 62 պատգամավոր։