Ադրբեջանի ԱԳՆ-ն՝ AZAL օդանավն ոչնչացնելու ՌԴ նախարարության հրամանի մասին
Գլխավոր դատախազությունում հարուցվել է քրեական գործ՝ 2024 թվականի դեկտեմբերի 25-ին AZAL ինքնաթիռի կործանման դեպքի առթիվ։ Այս մասին հայտարարել է Ադրբեջանի գլխավոր դատախազության քննչական վարչության պետ Նեմատ Ավազովը։ Հայտնում են ադրբեջանական ԶԼՄ-ները։
Նա նշել է, որ այս կապակցությամբ բազմաթիվ փորձաքննություններ են անցկացվել Ռուսաստանում, Ղազախստանում և Ադրբեջանում. «Մեր համատեղ ջանքերը շարունակվում են, մեր աշխատակիցները գործուղվել են Ղազախստան: Հուսով ենք, որ նրանց փորձաքննության արդյունքները շուտով հայտնի կդառնան»:
Նշենք, որ 2024 թվականի դեկտեմբերի 25-ին Բաքվից Գրոզնի թռչող ինքնաթիռը վթարի է ենթարկվել Ղազախստանի Ակտաու քաղաքի մոտակայքում: Վթարի վերաբերյալ ղազախական կողմի հրապարակած նախնական զեկույցում նշվում է, որ ինքնաթիռը կորցրել է կառավարումը և վթարի ենթարկվել Գրոզնի քաղաքի մոտակայքում գետնի վրա կրակոցից առաջացած վնասի պատճառով: Ռուսական կողմը նաև հայտարարել է, որ միջադեպի հետաքննչական խումբ է ձևավորել: Սակայն հետաքննության արդյունքների մասին տեղեկություններ չկան:
Հիշեցնենք՝ ադրբեջանական լրատվամիջոցները ավելի վաղ հարապարակել էին անանուն նամակ, ձայնագրություններ, որտեղ նշվում էր, որ ռուսական կողմն է հրամայաել որնրացնել ինքնաթիռը։
Մանավորապես նամակում նշվում էր հակաօդային պաշտպանության կապիտանի բացատրությունը, որը պնդում է, որ ինքնաթիռի վրա կրակ է բացվել Ռուսաստանի Պաշտպանության նախարարության հրամանով, ինչպես նաև տեսագրություններ, ձայնագրություններ և մանրամասներ տեխնիկայի ոչ պատշաճ վիճակի մասին:
