Ես այդ երկրի հետ, որևէ շփում չունեմ․ Թրամփ
ԱՄՆ նախագահ Դոնալդ Թրամփը հերքել է Իրանի հետ որևէ շփում ունենալու մասին լուրը։ Նա այս մասին հայտարարել է իր «Truth Social» էջում արված գրառման մեջ։
«Ասացե՛ք կեղծ դեմոկրատ սենատոր Քրիս Քունսին, որ ի տարբերություն Օբամայի, ես ոչինչ չունեմ Իրանին առաջարկելու։ Ո՞վ է իրանցիներին միլիարդավոր դոլարներ տվել միջուկային համաձայնագրով։ Ես չեմ կապվել իրանցիների հետ այն բանից հետո, երբ մենք ոչնչացրինք նրանց միջուկային օբյեկտները», - գրել է ԱՄՆ նախագահը։
Հավելենք՝ ավելի վաղ Իրանի ԱԳՆ-ը հայտարարություն էր արել, որ «ԱՄՆ-ն պետք է բացառի Իրանի դեմ հետագա հարվածները, եթե ցանկանում է վերսկսել դիվանագիտական ջանքերը»։
