Ես փրկեցի նրան «նվաստացուցիչ մահից». Թրամփ

ԱՄՆ նախագահ Դոնալդ Թրամփը հայտարարել է, որ 12-օրյա պատերազմի ժամանակ փրկել է Իրանի գերագույն առաջնորդ Այաթոլլահ Սեյեդ Ալի Խամենեիին «նվաստացուցիչ մահից»։ Այս մասին Սպիտակ տան ղեկավարը գրել է իր Truth Social սոցիալական ցանցում:

 Թրամփը շեշտել է, որ չնայած գիտեր Խամենեիի գտնվելու վայրը, անձամբ է նրան փրկել մահից։

«Ինչո՞ւ է «Գերագույն առաջնորդ» Խամենեին պնդում, որ Իրանը հաղթել է Իսրայելի հետ պատերազմում, երբ գիտի, որ դա սուտ է։ Ես նրան փրկեցի շատ դաժան և ամոթալի մահից»,- հայտարարել է նա:

Թրամփը նշել է, որ դադարեցրել է Իրանի նկատմամբ պատժամիջոցների վերացման աշխատանքները՝ Խամենեիի՝ Իսրայելի նկատմամբ հաղթանակի մասին հայտարարություններից հետո։