Հոգևորականի քողի տակ թաքնվածը բացահայտում է իր իրական դեմքը․ Բաղդասարյան
ՀՀ վարչապետի մամուլի խոսնակ Նազելի Բաղդասարյանը գրառում է կատարել ֆեյբուքյան իր էջում, անդադանալով ՀՀ ՔԿ-ի կողմից հրապարակած «Սրբազան պայքար» անվանումը կրող շարժման ղեկավարների և մասնակիցների ձայնագրություններին․
«Այս պատմությունը սոսկ իշխանության դեմ ուղղված արշավի, իշխանափոխության կամ իշխանազավթման մասին չէ։ Այս պետականաքանդ խմբակը պարզապես չի ընդդիմանում իշխանություններին, նրանք ատում են Հայաստանը, Հայաստանի ժողովրդին, մեր ազգային արժեքներն ու սրբությունները։
Հոգևորականի քողի տակ թաքնված մարդատյաց հրեշը բացահայտում է իր իրական դեմքը»։
Հիշեցնենք՝ այսօր առավոտվանից իրավապահները գործողություն էին իրականացնում Բագրատ արքեպիսկոպոսի բնակավայրում։
Ավելի ուշ՝ դիմակավորված անձինք բերման ենթարկեցին Բագրատ Սրբազանին։
Հիշեցնենք՝ ՔԿ-ն ձայնագրություններ է հրապարակել «Սրբազան պայքար» անվանումը կրող շարժման ղեկավարների և մասնակիցների կողմից ահաբեկչության և իշխանությունը յուրացնելու նախապատրաստություն կատարելու դեպքի առթիվ նախաձեռնված քրեական վարույթի շրջանակներում։
