Գրետա Թումբերգին արտաքսում են Իսրայելից

Գրետա Թունբերգը և մարդասիրական օգնություն տեղափոխող Madleen նավի այլ ակտիվիստներ, որոնց իսրայելական ուժերը ձերբակալել էին նախօրեին՝ Գազայի հատված ճանապարհին, ժամանել են օդանավակայան՝ արտաքսման նպատակով: Այս մասին հայտնում են Իսրայելի արտաքին գործերի նախարարությունից: Նշվում է, որ ակտիվիստները պետք է երկրից մեկնեն առաջիկա ժամերի ընթացքում:

Հաղորդագրությամ մեջ ասվում է.

«Ուղևորները ժամանել են «Բեն Գուրիոն» օդանավակայան, որպեսզի լքեն Իսրայելն ու վերադառնան իրենց երկրներ, նրանք, ովքեր կհրաժարվեն ստորագրել արտաքսման փաստաթղթերը և հեռանալ Իսրայելից, կկանգնեն դատարանների առջև՝ Իսրայելի օրենսդրության համաձայն», - հավելել են  ԱԳՆ-ից։

Հիշեցնենք` Թունբերգը մեղադրել էր Իսրայելի իշխանություններին ՝ պնդելով, որ իրեն առևանգել են: