Երևանում բերման են ենթարկվել ծանր հանցանք կատարած կասկածյալներ

Auroranews-ը խոսել է Ներքին գործերի նախարարության հանրային հաղորդակցության և իրազեկման վարչության պետի տեղակալ Մարտուն Սիմոնյանի հետ:

Քրեական ոստիկանության օպերատիվ արձագանքման վարչության ծառայողները, ինչպես նաև քրեական ոստիկանության այլ կառուցվածքային ստորաբաժանումների ծառայողները Երևանի Արշակունյաց պողոտայում ձերբակալել են 2 տղամարդու ապօրինի զենք-զինամթերք կրելու կասկածանքով և տեղափոխել են քրեական ոստիկանության Երևան քաղաքի վարչություն:

Նշենք՝ ավելի վաղ shamshyan.com-ը հայտնել էր, որ  ոստիկանները, որոնց մի մասը եղել է դիմակավորված, ժողովրդին հայտնի Կինոհայրենիքի մոտ վնասազերծել ու քրեական ոստիկանություն են տեղափոխել 2 քաղաքացու: 

Բերման ենթարկվածներն անցնում են քրեական աղմկահարույց մի գործով, որի մասին այս պահին նախաքննության շահերից ելնելով մանրամասներբերման չեն հրապարակվում: 

Ծանուցում.

Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով։