Քաղաքապետարանը կբողոքի կարմիր գծերի վերաբերյալ վճիռը
Քաղաքապետարանը բողոքարկելու է ավտոկայանատեղիների (կարմիր գծերի) վարձավճարներ սահմանելու՝ ավագանու որոշման վերաբերյալ դատարանի վճիռը։ Այս մասին հայտարարել է Երևանի քաղաքապետի մամուլի քարտուղար Հայկ Կոստանյանը:
Կոստանյանը նշել է, որ ավագանին այդ որոշումն ընդունել էր քաղաքի կենտրոնի բեռնաթափման համար.
«Այո, այդ արժեքը շատ վարորդների ստիպել է, որ կենտրոնում հնարավորինս քիչ կայանեն ու տարեկան փաթեթներ ձեռք չբերեն՝ հաշվի առնելով գինը։ Այդ տեսանկյունից որոշակի բեռնաթափում կա: Երբ կշատանան ավտոբուսների համար նախատեսված գծերը, կարմիր գծերի տարիֆների բարձրացման արդյունավետությունը տեսանելի կլինի»,- ասել է նա։
