Չինաստանն ավելացրեց դրոնների մատակարարումները. Bloomberg
Ուկրաինայի նախագահ Վլադիմիր Զելենսկին հայտարարել է, որ Չինաստանը դադարեցրել է անօդաչու սարքերի վաճառքը Կիևին և մյուս եվրոպական երկրներին, սակայն շարունակում է դրանք մատակարարել Ռուսաստանին։ Այս մասին գրում է Bloomberg-ը։
«Ռուսաստանի տարածքում կան արտադրական գծեր, որտեղ կան չինացի ներկայացուցիչներ»,- հավելել է Զելենսկին։
Եվրամիությունն էլ իր հերթին է հայտարարել, որ Չինաստանը կրճատել է արևմտյան գնորդներին անօդաչուների որոշ բաղադրիչների մատակարարումները, միաժամանակ ավելացրել դրանց արտահանումը դեպի Ռուսաստան։
Հավելենք՝ Պեկինը պարբերաբար հերքում է պատերազմող կողմերից որևէ մեկին զենքի մատակարարումը և պնդում է, որ վերահսկում է ռազմական նպատակներով օգտագործվող կրկնակի նշանակության ապրանքների արտահանումը։
