ՌԴ նախագահի կոչը
Կարևոր է, որ Եվրասիան լինի խաղաղության և կայունության տարածք։ Այս մասին հայտարարել է Ռուսաստանի նախագահ Վլադիմիր Պուտինը՝ Անվտանգության հարցերով պատասխանատու բարձր ներկայացուցիչների 13-րդ միջազգային հանդիպման լիագումար նիստում, հաղորդում է Lenta.ru-ն։
«Կարևոր է մեր մայրցամաքը դարձնել խաղաղության և կայունության տարածք, կայուն տնտեսական, սոցիալական և մշակութային զարգացման օրինակ», - ասել է Ռուսաստանի առաջնորդը համաժողովի մասնակիցներին ուղղված տեսաուղերձում։
Պուտինը համոզված է, որ այս միջոցառումը կծառայի միջազգային խաղաղության և կայունության ամրապնդման նոր կարևոր մոտեցումների մշակմանը, ինչպես նաև կնպաստի երկխոսությանը՝ բոլոր երկրների և ժողովուրդների բարօրության համար։
Ավելի վաղ Ռուսաստանի արտաքին գործերի նախարար Սերգեյ Լավրովը հայտարարել էր, որ Ռուսաստանը և Չինաստանը հերքում են Արևմուտքի թեզը մեծ տերությունների բախման անխուսափելիության մասին։
