Եթե փորձեն անորոշություն ստեղծեն, ապա նախ իրենց համար կստեղծեն․ Պեսկով

Եվրոպական երկրների կողմից հեռահար զենքի վերաբերյալ հայտարարությունների ֆոնին ստեղծված անորոշությունը բեռ կդառնա եվրոպացիների համար։ Այս մասին հայտարարել է Ռուսաստանի նախագահի մամուլի քարտուղար Դմիտրի Պեսկովը, գրում է «Ռիա Նովոստի»-ն։

«Եթե նրանք փորձում են անորոշություն ստեղծել, ապա նախ անորոշություն կստեղծեն իրենց համար, որը նրանց համար բեռ կդառնա։ Տեսնենք՝ կկարողանա՞ն կրել այդ բեռը», - ասել է Պեսկովը

Հավելենք՝ Պեսկովը այս հայտարարությունը արել էր մեկնաբանելով եվրոպացիների այն խոսքերը, որ հեռահար զենքի վերաբերյալ իրենց հայտարարություններով նրանք որոշակի «ռազմավարական անորոշություն» են ստեղծում Ռուսաստանի համար։