Ադրբեջանի ԱԳՆ-ն հայտարարություն է տարածել

Ադրբեջանի և Հայաստանի միջև հարաբերությունների կարգավորման գործընթացն անցնում է շատ կարևոր փուլով: Այս մասին հայտարարել է Ադրբեջանի փոխարտգործնախարար Յալչին Ռաֆիևը:

«Ինչպես գիտեք, խաղաղության համաձայնագրի տեքստի համաձայնեցման գործընթացն ավարտվել է։ Դրա ստորագրման համար կա երկու պայման, այս ուղղությամբ պետք է ձեռնարկվեն կոնկրետ քայլեր՝ խաղաղության հիմք ստեղծելու համար։ Խաղաղության ցանկացած ուղերձ արդյունք կտա միայն այն դեպքում, երբ այդ քայլերը գործնականում իրականացվեն, երբ երկու կողմերի կոնկրետ պահանջները և սպասելիքները բավարարվեն», - նշել է նա։