Պուտինը խելագարվել է․ դա կհանգեցնի «Ռուսաստանի փլուզմանը»․ Թրամփ
Պուտինը գժվել է, իսկ Զելենսկու ասածները միայն խնդիրներ են ստեղծում։ Այս մասին հայտարարել է ԱՄՆ նախագահը՝ հրապարակավ քննադատելով ՌԴ և Ուկրաինայի ղեկավարներին։
Թրամփը նշել է, որ միշտ «շատ լավ հարաբերություններ» է ունեցել Պուտինի հետ, բայց «նրա հետ ինչ-որ բան է պատահել»։
«Պուտինի հետ ինչ-որ բան է պատահել: Նա խելագարվել է, անտեղի սպանում է մարդկանց և ոչ միայն զինվորների։ Հրթիռներն ու ԱԹՍ-ները գնդակոծվում են Ուկրաինայի քաղաքները՝ առանց որևէ պատճառի։ Եթե Պուտինը ցանկանա գրավել ամբողջ Ուկրաինան, դա կհանգեցնի «Ռուսաստանի փլուզմանը»», - նշել է Թրամփը:
Թրամփը խոսել է նաև Ուկրաինայի նախագահ Վլադիմիր Զելենսկու մասին։ Նա դժգոհ է Զելենսկու հայտարարություններից։
«Ոչ մի լավ բան չի անում իր երկրի համար։ Նրա բերանից դուրս եկած ամեն բառ խնդիրներ է առաջացնում, ինձ դա դուր չի գալիս», - ասել է Թրամփը:
