Պատերազմ չի լինելու․ Նիկոլ Փաշինյան
Հայաստանի ու Ադրբեջանի միջև տևական խաղաղություն ոչ միայն հնարավոր է, այլև հասանելի է։ Այս մասին «Երևանյան երկխոսություն» երկրորդ միջազգային ֆորումի ժամանակ հայտարարել է վարչապետ Նիկոլ Փաշինյանը։
«Մենք վճռական ու հանձնառու ենք խաղաղության օրակագին, պատրաստ ենք շարունակել խորհրդակցություններն Ադրբեջանի հետ, թե ինչպես հասնել խաղաղության պայմանագրի ու այլ փաստաթղթերի ստորագրմանը, որոնք ամբողջովին կփոխեն իրավիճակն ու տարածաշրջանի ժողովուրդների ճակատագիը»,- նշել է նա։
Վարչապետի խոսքով՝ Հայաստանն ամեն ինչ կանի, ինչ կախված է իրենից։
«Ի հեճուկս բոլոր սադրանքների՝ Հայաստանի ու Ադրբեջանի միջև չի լինելու պատերազմ, լինելու է խաղաղություն ու դա ինձ համար շատ միանշանակ է»,- հավելել է վարչապետը։
