Հայաստանի դիմադրությունը դանդաղեցնում է առաջընթացը․ դա կլինի առանց որևէ պայմանի․ Հաջիզադե
Կայուն խաղաղության հասնելու համար Հայաստանը պետք է համապատասխանաբար փոփոխի իր Սահմանադրությունը։ Այս մասին հայտարարել է Ադրբեջանի արտաքին գործերի նախարարության մամուլի քարտուղար Այխան Հաջիզադեն ի պատասխան ՀՀ վարչապետ Նիկոլ Փաշինյանի ելույթին, գրում են ադրբեջանական լրատվամիջոցները։
«Հայաստանը պետք է համապատասխանաբար փոփոխի իր Սահմանադրությունը, վերացնի տարածքային պահանջները դրանից և աջակցի Մինսկի խմբի լուծարմանը առանց որևէ պայմանի։ Ադրբեջանի պայմանները խոչընդոտներ չեն, այլ տարածաշրջանային խաղաղությունն ու կայունությունն ապահովելու օրինական քայլեր են»,- ասել է Հաջիզադեն։
Նրա խոսքով՝ Հայաստանի դիմադրությունը դանդաղեցնում է առաջընթացը և հակասում տարածաշրջանային համագործակցության կարևորության մասին պնդումներին։
