Երթևեկության մի շարք փոփոխություններ Երևանի փոքր կենտրոնում

Երևանի փոքր կենտրոնի համար մշակվում է շարժունակության հայեցակարգ: Տրանսպորտի վարչության պետ Վազգեն Հարությունյանը նշել է. «Որպես փոփոխությունների առաջին քայլ առաջարկվել է Հանրապետության հրապարակին հարող Աբովյան, Նալբանդյան և Արամի փողոցներում կիրառել սահմանափակումներ»:

Բացի առանձնացված ավտոբուսային գծերի ընդլայնումից այն կներառի նաև մի շարք փողոցներ, որտեղ կկիրառվեն երթևեկության սահմանափակումներ այդ փողոցները դարձնելով հետիոտնի համար նախատեսված հատվածներ։

Նախատեսվում է, որ Մաշտոցի պողոտայում ներդրված ավտոբուսային առանձնացված գիծը կապահովի շարունակություն դեպի Խորենացի փողոց՝ հնարավորություն տալով ավտոբուսին ձախ շրջանով շրջադարձ կատարել դեպի Խորենացի փողոց։ Խորենացի փողոցում կներդրվեն ավտոբուսային առանձնացված գծեր երկու ուղղությունով, կկիրառվի կայանման արգելք։

«Հայեցակարգային կարևոր հարց է հետիոտնային հատվածներն ավելացնել»,- նշել է Ավինյանը։