Իրանը 3 եվրոպական երկրներին նախազգուշացրել է
Իրանի արտաքին գործերի նախարար Աբբաս Արաղչին նախազգուշացրել է երեք եվրոպական երկրներին՝ Գերմանիային, Մեծ Բրիտանիային և Ֆրանսիային, չգործարկել պատասխան միջոցների մեխանիզմը՝ հայտարարելով Թեհրանի կոշտ պատասխանի մասին: Այս մասին հայտնում է Mehr-ը։ Նա այս հայտարարություններն արել է խորհրդարանում օրենսդիրների հետ հանդիպմանը։
Հանդիպման ընթացքում Արաղչին հանձնաժողովի անդամներին ներկայացրել է Իրանի և Միացյալ Նահանգների միջև անուղղակի բանակցությունների վերաբերյալ համապարփակ զեկույց և պարզաբանումներ է տվել Իտալիայի մայրաքաղաք Հռոմում կայացած բանակցությունների վերջին՝ հինգերորդ փուլի վերաբերյալ:
Ըստ Իրանի խորհրդարանի ազգային անվտանգության և արտաքին քաղաքականության հանձնաժողովի ներկայացուցիչ Էբրահիմ Ռեզայիի, Արաղչին նաև անդրադարձել է Իրանի ներսում ուրանի հարստացմանը Իսրայելի հակազդեցությանը՝ հայտարարելով, որ տարածաշրջանում պատերազմի դեպքում կտուժեն բոլոր երկրները և կտուժի ամբողջ տարածաշրջանը։
Նշվում է, որ Արաղչին ընդգծել է՝ Իրանը չի տրվի ճնշումներին և սպառնալիքներին, և բանակցություններում նրա քաղաքականությունը հաստատուն է ու հստակ:
Արաղչին նաև զգուշացրել է Իսրայելին իրանական միջուկային օբյեկտների նկատմամբ ցանկացած արկածախնդրական գործողություններից՝ նշելով, որ տարածաշրջանում ցանկացած պատերազմ վնաս կհասցնի տարածաշրջանի բոլոր երկրներին։
