Ռուսական կողմը պատրաստ կլինի. Լավրով

Ռուսական կողմը պատրաստ կլինի Ուկրաինային ներկայացնել կարգավորման փաստաթղթի նախագիծ, հենց որ ռազմագերիների փոխանակումն ավարտվի։ Այս մասին լրագրողների հետ զրույցում հայտարարել է Ռուսաստանի արտաքին գործերի նախարար Սերգեյ Լավրովը։

Վերջինս ընդգծել է, որ Մոսկվան այժմ ակտիվորեն աշխատում է պայմանավորվածությունների երկրորդ մասի վրա, որը նախատեսում է կողմերից յուրաքանչյուրի կողմից փաստաթղթի նախագծի պատրաստում, որտեղ ուրվագծվում են «կայուն, երկարաժամկետ, համապարփակ կարգավորման համաձայնագրի հասնելու» պայմանները։

«Մենք նաև հավատարիմ ենք այն պայմանավորվածություններին, որոնք վերջերս ձեռք են բերվել Ստամբուլում Ռուսաստանի և Ուկրաինայի պատվիրակությունների միջև։ Մենք ավարտում ենք ռազմագերիների փոխանակման ցուցակի կազմման նախապատրաստական ​​աշխատանքները՝ «հազարը հազարի դիմաց» սկզբունքով», – ամփոփել է Լավրովը։

Ավելի վաղ հայտնել էինք, որ ՌԴ-ն և Ուկրաինան գերիների լայնածավալ փոխանակում են իրականացրել: