Չի կարելի բաց թողնել այդ հնարավորությունը. Էրդողան
Ռուսաստանի և Ուկրաինայի միջև գերիների փոխանակումը կարևոր քայլ է կողմերի միջև վստահության ամրապնդման համար: Այս մասին հայտարարել է Թուրքիայի նախագահ Թայիփ Էրդողանը:
Թուրքիայի նախագահի խոսքով՝ չի կարելի բաց թողնել հակամարտությունը դադարեցնելու հնարավորությունը։
«Էրդողանը հայտարարել է, որ Թուրքիան այնպիսի հարցեր, ինչպիսիք են գերիների փոխանակումը, որոնք քննարկվել են Ստամբուլում Ուկրաինայի և ՌԴ-ի միջև բանակցություններում, համարում է վստահության ամրապնդման կարևոր քայլ։ Նախագահի խոսքով ՝ չի կարելի բաց թողնել հակամարտությունը դադարեցնելու հնարավորությունը», - ասված է Թուրքիայի առաջնորդի վարչակազմի հաղորդագրության մեջ:
Ավելի վաղ հայտնել էինք, որ ՌԴ-ն և Ուկրաինան գերիների լայնածավալ փոխանակում են իրականացրել:
