ԱՄՆ-ի հետ բանակցություններից հետո Իրանից հայտարարություն են արել
Օմանի արտգործնախարարը ներկայացրել է տարբեր գաղափարներ, որոնք կարող են առաջընթացի հանգեցնել ապագա փուլերում: Այս մասին Իրանի և Միացյալ Նահանգների միջև բանակցությունների հինգերորդ փուլի ավարտից հետո հայտարարել է Իրանի գլխավոր բանակցող, Իրանի արտգործնախարար Աբբա Արաղչին, հաղորդում է Mehr-ը։
Արաղչին ասել է, որ «դա բանակցությունների ամենապրոֆեսիոնալ փուլերից մեկն էր»։
«Մենք անսասան ենք մեր դիրքորոշումներում։ Ամերիկյան կողմն այժմ հստակ պատկերացում ունի Իրանի դիրքորոշման մասին», -նշել է նա և հավելել. «Օմանի արտգործնախարարը առաջարկություններ է ներկայացրել խոչընդոտները վերացնելու համար։ Հաջորդ փուլում կքննարկվեն համապատասխան մայրաքաղաքների տեսակետներն այս առաջարկությունների վերաբերյալ»։
Արաղչին նաև նշել է. «Բանակցությունները չափազանց բարդ են մի քանի կարճ հանդիպումներում ավարտելու համար։ Առաջիկա հանդիպումներում մենք կընդունենք որոշումներ, որոնցով, գուցե, կարողանանք առաջ շարժվել։ Մենք դեռ այդ փուլին չենք հասել»:
Ավելի վաղ հայտնել էինք, որ ավարտվել է ԱՄՆ-ի և Իրանի միջև բանակցությունների հինգերորդ փուլը:
