ՌԴ-ն նախատեսում է բալիստիկ հրթիռ արձակել. Ուկրաինայի ՊՆ

Ռուսաստանը նախատեսում է իրականացնել РС-24 միջմայրցամաքային բալիստիկ հրթիռի «ուսումնամարտական» արձակում: Այս մասին հայտնել են Ուկրաինայի պաշտպանության նախարարության գլխավոր հետախուզական վարչությունը։

Հրթիռի արձակումն ուղղված է Ուկրաինային վախեցնելու և ԵՄ և ՆԱՏՕ-ի անդամ երկրների վրա ճնշում գործադրելուն, ինչը դիտվում է որպես միջուկային շանտաժի մարտավարության տարր:

«Շարժական ցամաքային համալիրից ուսումնական զինամթերքով հագեցած հրթիռի արձակումը հրամայվել է իրականացնել ագրեսոր պետության Ռազմավարական հրթիռային ուժերի 31-րդ բանակի 42-րդ դիվիզիայի 433-րդ գնդի անձնակազմի կողմից», - նշված է հայտարարության մեջ:

Գործարկման վայրը Ռուսաստանի Սվերդլովսկի մարզի Սվոբոդնի բնակավայրի մոտ է։ Նախատեսվում է կիրառել ուսումնական զինամթերք։ Այս եռաստիճան պինդ վառելիքով աշխատող հրթիռի թռիչքի հեռահարությունը կազմում է ավելի քան 10 հազար կիլոմետր։