Ես նրանց կարծիքը չեմ հարցրել. Թրամփ
ԱՄՆ նախագահ Դոնալդ Թրամփը հայտարարել է, որ Վաշինգտոնը չի խորհրդակցել Իսրայելի հետ՝ նախքան Սիրիայի նոր կառավարությունը ճանաչելը, չնայած Թել Ավիվի մտահոգություններին իսլամիստ նախագահ Ահմեդ ալ-Շարաայի վերաբերյալ։ Այս մասին նա լրագրողներին ասել է ինքնաթիռում՝ Մերձավոր Արևելքում չորսօրյա շրջագայությունն ավարտելուց հետո, հաղորդում է Reuters-ը։
«Ես նրանց կարծիքը չեմ հարցրել։ Կարծում եմ՝ սա ճիշտ որոշում է։ Ինձ արդեն շնորհակալություն են հայտնել այս քայլի համար։ «Մենք ուզում ենք, որ Սիրիան զարգանա», - բացատրել է Թրամփը։
Մայիսի 14-ին ԱՄՆ ֆինանսների նախարար Սքոթ Բեսենթը հայտարարել է Սիրիայի նկատմամբ պատժամիջոցների չեղարկման գործընթացի մեկնարկի մասին։ Ֆինանսների նախարարության ղեկավարը նշել է, որ գերատեսչությունը նման միջոցներ է ձեռնարկում իրավիճակը կայունացնելու և մերձավորարևելյան երկրի խաղաղության ուղղությամբ առաջընթացը խթանելու համար։
