ԱՄՆ-ում հայտնել են բանակցություններում ՌԴ-ի հաղթանակի մասին
Ստամբուլում տեղի ունեցած ուկրաինական կարգավորման շուրջ բանակցությունները նկատելի մարտավարական հաջողություն դարձան Ռուսաստանի ղեկավարության համար։ Այս մասին հայտնել է The New York Times-ը (NYT):
Ըստ թերթի հանդիպման փաստն ինքնին Վլադիմիր Պուտինի մարտավարական հաղթանակի վկայությունն էր, քանի որ այն տեղի ունեցավ առանց հրադադարի վերաբերյալ համաձայնության հասնելու, որը պնդում էին Ուկրաինան և նրա արևմտյան դաշնակիցների մեծ մասը։
Թերթը նաև նշում է, որ Թրամփի վարչակազմում աճել է հիասթափությունը խաղաղության գործում առաջընթացի բացակայության պատճառով։ Նախագահը շաբաթվա սկզբին խրախուսել էր երկխոսության գաղափարը, սակայն հինգշաբթի օրվա դրությամբ նրա սպասումները նվազել էին, և նա ասել էր, որ առանց Ռուսաստանի առաջնորդի հետ անձնական հանդիպման ոչ մի էական բան տեղի չի ունենա։ Նա ասել է, որ պլանավորում է հեռախոսազրույց ունենալ Պուտինի հետ, ապա, եթե հնարավոր է, կազմակերպել անձնական հանդիպում։
