Թրամփը գիտի՝ ով է թշնամին. դրա համար էլ ասել է, որ մաքրվի. Սքոթ Ռիտեր

Եվրոպան Ուկրաինայում խաղաղության ճանապարհին մեծ խոչընդոտ է դարձել, ԱՄՆ-ն պետք է միջոցներ ձեռնարկի: Այս մասին հայտարարել է ամերիկյան բանակի նախկին հետախույզ Սքոթ Ռիտերը, գրում է «Ռիա Նովոստի»-ն:

«Եվրոպան շարունակում է հավաստիացնել Ուկրաինային, որ նա կստանա իր ուզածը: Եվրոպան պետք է պատասխան տա։ Հիշենք, թե ինչ եղավ Ֆրանսիայի նախագահ Մակրոնի հետ։ ԱՄՆ նախագահ Դոնալդ Թրամփը գիտի, թե ով է թշնամին, դրա համար էլ նա Մակրոնին ասել է, որ մաքրվի»,- ասել  է Ռիտերը

Հիշեցնենք՝ Վատիկանում  Վլադիմիր Զելենսկու և ԱՄՆ առաջնորդի հանդիպման ժամանակ Ֆրանսիայի նախագահը ցանկացել է մասնակցել, սակայն Թրամփը նրան թույլ չի տվել:

«Նույնը վերաբերում է Մեծ Բրիտանիայի վարչապետ քիր Սթարմերին, ցանկացած եվրոպական քաղաքական գործչի: Նրանք կարծում են, որ օգնում են Ուկրաինային, բայց փոխարենը կեղծ հույս են տալիս։ Կիևը կշարունակի լուծել իր խնդիրները մարտի դաշտում, և երկու տարվա ընթացքում Ուկրաինայից գուցե ոչինչ չմնա», - եզրափակել է Ռիտերը։