ՌԴ-ն չկառավարվող հրթիռներով հարվածել է ուկրաինացի զինվորականների. ՌԴ ՊՆ
Ռուսական Սու-25 գրոհիչների անձնակազմերը հրթիռային հարված են հասցրել ուկրաինացի զինվորականների կուտակումներին: Այս մասին հայտնել են ՌԴ Պաշտպանության նախարարությունից, գրում է «ՏԱՍՍ»-ը:
«Ռուսական Սու-25 ինքնաթիռներով գրոհային ավիացիայի անձնակազմերը ավիացիոն սպառազինությամբ հարվածել են հակառակորդի կենդանի ուժին, որը գտնվում էր անտառապատ տարածքում՝ «Կենտրոն» զորքերի խմբավորման պատասխանատվության գոտում։ Հարվածը հասցվել է չկառավարվող ավիացիոն հրթիռներով»,- ասվում է հաղորդագրության մեջ։
Հետախուզության զեկույցների համաձայն՝ թիրախները խոցվել են։ Ինքնաթիռները վերադարձել են օդանավակայան։
