Պուտինը իրեն քթից բռնած ֆռռացնում է. Թրամփի արձագանքը

Ժամանակ է պետք՝ պատասխանելու համար այն հարցին, թե արդյոք Ռուսաստանի նախագահ Վլադիմիր Պուտինը իրեն քթից բռնած ֆռռացնում է: Այս մասին ասել է ԱՄՆ նախագահ Դոնալդ Թրամփը NBC News-ին տված հարցազրույցում:

Զրույցի ընթացքում Թրամփին հիշեցրել են իր գրառումը, որում նա ենթադրել էր, որ Կրեմլի ղեկավարը «քթից բռնած տանում է իրեն» և, հնարավոր է, չի ցանկանում դադարեցնել պատերազմը Ուկրաինայում։

Ապրիլի վերջին լրագրողների հետ զրույցի ժամանակ նա ասել էր, որ իրեն երկու շաբաթ է պետք՝ պատասխանելու համար, թե արդյոք վստահում է Պուտինին։

Հարցին թե արդյոք Թրամփը թերագնահատե՞լ է Պուտինին, նա պատասխանելէ, որ անհրաժեշտ է ևս մի քանի շաբաթ կամ մեկ ամիս։

«Ոչ. ես ձեզ կպատմեմ այդ մասին մեկ կամ մի քանի շաբաթից։ Ես պատկերացում չունեմ։ Բայց կարող եմ մեկ բան ասել. նրա հավակնությունները մեծապես զսպված էին, երբ նա հասկացավ, որ ես այժմ ղեկավարում եմ գործընթացը։ Որովհետև նա Եվրոպայում ոչ մեկին լուրջ չէր ընդունում՝ նա նույնիսկ հետ չէր զանգահարում նրանց»,- ասել է Թրամփը։