Փակ խորհրդակցություններ անցկացնելուց հետո՝ Պակիստանը ելույթ կունենա. Պակիստանի ԱԳՆ
Պակիստանը ՄԱԿ-ի (Միավորված ազգերի կազմակերպություն) Անվտանգության խորհրդում փակ խորհրդակցություններ է խնդրել տարածաշրջանում տիրող իրավիճակի պատճառով, մասնավորապես Հնդկաստանի հետ ունեցած լարված հարաբերությունների ֆոնին: Այս մասին հայտնում է «Ռիա Նովոստի»-ն:
«Կատարվել է հարցում Անվտանգության խորհրդում փակ խորհրդակցություններ անցկացնելու համար»,- հայտարարել են ՄԱԿ-ի ԱԽ-ում նախագահող հույն դիվանագետները։
ՄԱԿ-ի ԱԽ-ում Պակիստանի ներկայացուցիչները պարզաբանել են, որ նախատեսվող փակ խորհրդակցությունները կապված են տարածաշրջանում վատթարացող իրադրության և Հնդկաստանի հետ հարաբերություններում աճող լարվածության հետ:
«Փակ խորհրդակցություններ անցկացնելուց հետո Պակիստանը ելույթ կունենա ԶԼՄ-ների առջև»,- հավելել են դիվանագետները:
Հիշեցնենք, որ ապրիլի 22-ին Հնդկաստանի հյուսիսային Ջամմու և Քաշմիր շրջանում տեղի ունեցած ահաբեկչական հարձակումից հետո Հնդկաստանը մի շարք միջոցառումներ է ձեռնարկել Պակիստանի դեմ: Հնդկաստանը նաև փակեց Չենաբ գետի ջուրը, որը Բագլիհար ամբարտակի միջոցով հոսում է Պակիստան: Հնդկաստանը և Պակիստանը կրճատել են դիվանագիտական առաքելությունների թիվը, արգելել միմյանց նավերի մուտքը իրենց նավահանգիստներ, հայտարարել են առևտրի դադարեցման մասին և չեղարկել են միմյանց քաղաքացիների համար վիզաները:
