Մեր բանակը արժանի պատասխան կտա. Պակիստանի ԱԳՆ

Պակիստանը նպատակաուղղված է տարածաշրջանում խաղաղության և կայունության պահպանմանը, այս մասին հայտարարել է Իսլամական Հանրապետության զինված ուժերի հասարակայնության հետ կապերի միջգերատեսչական վարչության պետ, գեներալ-լեյտենանտ Ահմեդ Շարիֆ Չոուդրին, գրում է «ՏԱՍՍ»-ը:

«Պակիստանը խաղաղ երկիր է, և մենք խաղաղություն ենք ցանկանում տարածաշրջանում, բայց մեր բանակը պատրաստ է արժանի պատասխան տալ թշնամուն ագրեսիայի դեպքում»,- ասել է նա:

Առանձին ելույթ է ունեցել Պակիստանի տեղեկատվության նախարար Աթաուլլա Տարարը, որը հաստատել է պետության դիրքորոշումը՝ խաղաղության ձգտման, ինչպես նաև պաշտպանության պատրաստակամության մասին:

Հիշեցնենք՝ ապրիլի 22-ին Հնդկաստանի հյուսիսային Ջամմու և Քաշմիր շրջանում տեղի ունեցած ահաբեկչական հարձակումից հետո Հնդկաստանը մի շարք միջոցառումներ է ձեռնարկել Պակիստանի դեմ: Հնդկաստանը և Պակիստանը կրճատել են դիվանագիտական առաքելությունների թիվը, արգելել միմյանց նավերի մուտքը իրենց նավահանգիստներ, հայտարարել են առևտրի դադարեցման մասին և չեղարկել են միմյանց քաղաքացիների համար վիզաները: