Մեքսիկայում` հզոր երկրաշարժ
Մեքսիկայում 5,7 մագնիտուդ ուժգնությամբ երկրաշարժ է գրանցվել: Այս մասին հայտնում են երկրի ազգային սեյսմոլոգիական ծառայության (SSN) մասնագետները, գրում է «ՏԱՍՍ»-ը։
Ստորգետնյա ցնցումները տեղի են ունեցել Ակալա փոքր քաղաքից 28 կմ հարավ-արեւմուտք, որտեղ բնակվում է ավելի քան 15 հազար մարդ: Երկրաշարժի օջախը գտնվել է 269 կմ խորության վրա: Տարերային աղետի հետևանքով տուժածների և ավերածությունների մասին տվյալներ չկան:
Ավելի վաղ հայտնել էինք, Չիլիում տեղի ունեցած ուժեղ երկրաշարժի մասին, որի մագնիտուդը կազմել է 5,1: Էպիկենտրոնը գտնվել է Սալամանկա քաղաքից 18 կմ հարավ-արեւելք, որտեղ բնակվում է ավելի քան 13 հազար մարդ, իսկ օջախը գտնվել է 79 կմ խորության վրա:
