ԱՄՆ-ն պետք է նրանց համար չեղարկի վիզաները. Զելենսկի
Ամերիկյան իշխանությունները պետք է պատժամիջոցներ կիրառեն ուկրաինական կուսակցությունների այն անդամների նկատմամբ, որոնք չեն քվեարկի Վաշինգտոնի և Կիևի միջև հազվագյուտ մետաղների վերաբերյալ համաձայնագրի վավերացման օգտին: Այս հայտարարությունն արել է Ուկրաինայի ղեկավար Վլադիմիր Զելենսկին: Այս մասին հայտնում է RBC-Ukraine-ն:
Նրա խոսքով՝ երկրի խորհրդարանում կան մարդիկ, ովքեր ցանկանում են կանխել համաձայնագրի ուժի մեջ մտնելը:
«Այդ դեպքում, կարծում եմ, որ Միացյալ Նահանգները պարզապես պետք է չեղարկեն իրենց վիզաները: Ես անկեղծորեն կարծում եմ՝ այո», - ասել է պետության ղեկավարը:
Հիշեցնենք` ապրիլի 30-ին Վաշինգտոնը և Կիևը ստորագրել են հազվագյուտ մետաղների վերաբերյալ համաձայնագիր: Համաձայնագիրը նախատեսում է ներդրումային հիմնադրամի ստեղծում, որի գործունեությունը կապված կլինի Ուկրաինայի և Միացյալ Նահանգների համատեղ նախագծերի իրականացման հետ հանքարդյունաբերության ոլորտում:
