Թուրքիան՝ նոր երկրաշարժերի սպառնալիքների մասին

Ստամբուլում սպասվող լայնածավալ երկրաշարժը կազդի ավելի քան 25 միլիոն բնակչություն ունեցող Մարմարայի ամբողջ շրջանի վրա, և մոտակա 4-5 գավառների բնակիչները պետք է պատրաստ լինեն։ Այս մասին «Ռիա Նովոստի»-ին ասել է սեյսմոլոգիայի պրոֆեսոր և Ստամբուլի քաղաքապետարանի երկրաշարժերի հարցերով գիտնականների խորհրդի անդամ Հալուք Էյդողանը։

«Մարմարա ծովում էպիկենտրոնով երկրաշարժերի դեպքում մենք միշտ պետք է ընդգծենք, որ խոսքը տարածաշրջանային աղետի մասին է. տուժելու է ոչ միայն Ստամբուլը, այլև Բուրսա, Չանաքքալե, Թեքիրդաղ, Քոջաելի, Յալովա նահանգները։

Այս գավառների՝ հատկապես ափամերձ շրջանների բնակիչները պետք է մտահոգված լինեն երկրաշարժին նախապատրաստվելու և դիմացկուն շենքեր կառուցելով»,- ասել է Էյդողանը։

Ստամբուլի ափերի մոտ՝ Մարմարա ծովում, 6,2 մագնիտուդ երկրաշարժ է տեղի ունեցել չորեքշաբթի օրը, որին, ըստ Թուրքիայի աղետների կառավարման վարչության (AFAD, հաջորդել են հետցնցումներ: Տարերային աղետի հետեւանքով տուժել է 236 մարդ, զոհեր և մեծածավալ ավերածություններ չկան։

Սեյսմոլոգները նշում են, որ զգալի հետցնցումները կշարունակվեն մի քանի շաբաթ։