Երկու ԲԿ-ի տնօրեններ կազատվեն աշխատանքից․ News

Ուռուցքաբանության ազգային կենտրոնի տնօրեն Նարեկ Մանուկյանն ու Սուրբ Գրիգոր Լուսավորիչ բուժկենտրոնի տնօրեն Արման Հովակիմյանը կազատվեն իրենց պաշտոններից։ Այս մասին հայտնում է News.am-ը՝ հղում անելով իր տեղեկություններին։ 

Երեկ առողջապահության նախարարությունում նրանց առաջարկվել է ազատման դիմումներ գրել։ Պատճառը՝ պացիենտների կողմից «նվիրատվություններ» են, որոնց մասին վերջերս բարձրաձայնվել է։

Լրատվամիջոցի աղբյուրի փոխանցմամբ, Սուրբ Գրիգոր Լուսավորիչ կենտրոնի տնօրեն կնշանակվի ԱԺ առողջապահության հարցերի մշտական հանձնաժողովի նախկին նախագահ Նարեկ Զեյնալյանը։

Ուռուցաբանության ազգային կենտրոնի տնօրեն Նարեկ Մանուկյանը լրատվամիջոցի հետ զրույցում նշել է, որ իրեն աշխատանքից չեն հեռացրել։ «Ինձ աշխատանքից չեն ազատել, ես էլ ազատման դիմում չեմ գրել», – ասել է նա։