Կարող է վերաճել երրորդ համաշխարհային պատերազմի՝ միջուկային զենքի կիրառման սպառնալիքով. Թրամփ
ԱՄՆ նախագահ Դոնալդ Թրամփը կարծում է, որ Ուկրաինայում հակամարտությունը կարող է վերաճել երրորդ համաշխարհային պատերազմի՝ միջուկային զենքի կիրառման սպառնալիքով։
«Ես կարող եմ ձեզ ասել, որ սա գնում էր դեպի Երրորդ համաշխարհային պատերազմ: Դա կլիներ այնպիսի պատերազմ, ինչպիսին չի եղել՝ միջուկային զենքի և զենքի այլ տեսակների կիրառման պատճառով», – ասել է Սպիտակ տան ղեկավարը՝ մեկնաբանելով Ուկրաինայում հակամարտության սրման սպառնալիքը:
Թրամփը հավելել է, որ ամերիկյան վարչակազմը ներկայումս կենտրոնացած է ուկրաինական հակամարտության դադարեցման վրա, և իրավիճակն այժմ զարգանում է «շատ ավելի լավ», բայց ավելի վաղ այն կարող էր «շատ հեշտությամբ» վերածվել համաշխարհային պատերազմի։
