Երևան-Մոսկվա չվերթի ուղևորները մնացել են «Վնուկովո» օդանավակայանում
Մոսկվա-Երևան չվերթի ավելի քան 200 ուղևոր մեկ օրով մնացել են «Վնուկովո» օդանավակայանում:
Հաղորդվում է, որ չվերթը հետաձգվել է, քանի որ ինքնաթիռում շարժիչի հետ կապված խնդիրներ են հայտնաբերվել։
Ինչպես նշում է SHOT տելեգրամ ալիքը, Boeing 767-ը պետք է օդ բարձրանար երեկ՝ ժամը 21:40-ին, սակայն թռիչքը սկզբում հետաձգվել է երեք ժամով, և այսպես՝ հինգ անգամ անընդմեջ։
«Բարկացած ուղևորները դժգոհում են, որ ավիաընկերությունը ոչ մի բացատրություն չի տալիս կատարվածի համար։ Նրանց խոստացել են, որ եթե այսօր ժամը 15:00-ին ինքնաթիռը չբարձրանա, ապա կուղարկեն այլ չվերթներով։
Սակայն թռիչքը կրկին հետաձգվել է։ Առայժմ մեկնման ժամը նշանակված է 21:50-ին։ Բայց դա միանշանակ չէ: Այս պահին ավիաընկերությունը հինգ տրանսֆերտների շնորհիվ ուղևորներին սննդի դիմաց վճարել է մոտ 1400 ռուբլի (մոտ 6000 դրամ)»,- գրում է աղբյուրը։
