Նրան ո՞վ բերեց իշխանության. Փաշինյանի արձագանքը

Հայաստանի վարչապետ Նիկոլ Փաշինյանը ֆեյսբուքյան էջում գրել է. 

«Երկու կիսամաշ դեմքեր իրենց շրջապատներով վիճում են, թե ո՞վ է ինձ իշխանության բերել, միմյանցից պահանջելով ասել ճշմարտությունը:

Դուք ասեք ձե՞զ ով է ժամանակին իշխանության բերել՝ Հայաստանի Հանրապետության ժողովրդի ձայնը երբեք չստացած այ ընտրակեղծարար-ուզուրպատորներ»:

Այս գրառմանը հաջորդել է մեկ այլ գրառում. 

«Ինձ իշխանության ոչ ոք չի բերել:

2018թ. Ժողովրդական, ոչ բռնի, թավշյա հեղափոխությունը իշխանության է բերել Ժողովրդին:

Ես ընդամենը ժողովրդի իշխանության տեղապահն եմ եւ Ժողովուրդն ինձ ուրիշով կփոխարինի՝ երբ ցանկանա»,- նշել է Փաշինյանը:

Նշենք, որ նա այսպես արձագանքել է երկրորդ նախագահ Ռոբերտ Քոչարյանի և երրորդ նախագահ Սերժ Սարգսյանժի թիմակիցների բանավեճին:

Վերջին շրջանում երկրորդ և երրորդ նախագահների թիմերն անդրադառնում են թեմային, թե Փաշինյանին «ո՞վ բերեց իշխանության»: