Սա պրոքսի պատերազմ է ԱՄՆ-ի և Ռուսաստանի միջև. Ռուբիո
ԱՄՆ պետքարտուղար Մարկո Ռուբիոն հայտարարել է, որ ուկրաինական ճգնաժամը պրոքսի պատերազմ է ԱՄՆ-ի և Ռուսաստանի միջև։
«Նախագահ Թրամփը կարծում է, որ սա ձգձգված հակամարտություն է, որը մտել է փակուղի, և, անկեղծ ասած, դա պրոքսի պատերազմ է միջուկային տերությունների՝ ԱՄՆ-ի, որն օգնում է Ուկրաինային և Ռուսաստանի միջև», - ասել է Ռուբիոն Fox News-ին տված հարցազրույցում։
«Եվ դրան (հակամարտությանը) պետք է վերջ տալ»,- նշել է նա։
Պետքարտուղարի խոսքով՝ դաշնակիցները նախկինում կարծում էին, որ Կիևին պետք է տալ «այն, ինչ պետք է, այնքան, որքան պետք է»։
Ռուբիոն նաև հիշեցրել է, որ Ուկրաինայի նախագահ Վլադիմիր Զելենսկին «սաբոտաժի է ենթարկել» և «խաթարել» ԱՄՆ նախագահ Դոնալդ Թրամփի ջանքերը՝ ուղղված հակամարտությունը դադարեցնելու բանակցություններին։
