ԱՄՆ–ն պայման է դնում Ուկրաինայի առջև
ԱՄՆ-ն Ուկրաինայից պահանջում է համաձայնել Ռուսաստանի հետ կրակի արագ դադարեցմանը, որպես հանքային ռեսուրսների վերաբերյալ գործարք կնքելու պայման։ Այս մասին գրում է Bloomberg-ը։
Հրատարակության համաձայն՝ ԱՄՆ նախագահ Դոնալդ Թրամփը պահանջում է, որ Կիևը համաձայնի հրադադարի՝ հազվագյուտ հողային մետաղների և Ուկրաինայի այլ ռեսուրսների վերաբերյալ համաձայնագրի ստորագրման դիմաց։
Այսօր Fox News-ի լրագրողը գրել է, որ ամերիկյան պատվիրակությունը, այդ թվում՝ ԱՄՆ պետքարտուղար Մարկո Ռուբիոն, երեքշաբթի՝ մարտի 11-ին, կմեկնի Էր Ռիադ՝ հանդիպելու ուկրաինացիների, այդ թվում՝ Վլադիմիր Զելենսկու գրասենյակի ղեկավար Անդրեյ Երմակի հետ։
