Չինական DeepSeek–ը անկում է առաջացրել ամերիկյան բաժնետոմսերում. CNN
Չինական DeepSeek ստարտափի վերջին AI մոդելը 1 տրիլիոն դոլարի անկում է առաջացրել ԱՄՆ-ի և Եվրոպայի տեխնոլոգիական բաժնետոմսերում: Այս մասին գրում է CNN–ը:
Նշվում է, որ փլուզման պատճառն այն է եղել, որ ներդրողները կասկածի տակ էին դնում ամերիկյան որոշ խոշորագույն ընկերությունների ուռճացված գնահատականները:
«Արհեստական ինտելեկտի չինական DeepSeek ընկերության առաջընթացը սպառնում է ԱՄՆ-ի գերակայությանը տեխնոլոգիական ոլորտում»,– հայտնում է CNN-ը։
Անվճար չաթ-բոտը գլխավորել է Apple-ի հավելվածների աղյուսակը՝ մարտահրավեր նետելով ավելի թանկ մրցակիցներին, ինչպիսին է OpenAI-ը:
Չինաստանի AI մոդելը համարվում է ավելի ծախսարդյունավետ, քան իր մրցակիցները, մինչդեռ աշխատում է ավելի քիչ առաջադեմ չիպերով: Ընկերությունը պնդում է, որ մոդելի վերապատրաստման համար ծախսվել է ընդամենը 12 միլիոն դոլար, իսկ մոդելի վերապատրաստման համար օգտագործվել են հին Nvidia չիպեր:
Գրաֆիկական քարտերի արտադրող Nvidia-ն մեկ օրում կորցրել է 520 միլիարդ դոլար կապիտալիզացիա՝ DeepSeek-ի թողարկման ֆոնին բաժնետոմսերի 15% անկման պատճառով:
Հարկ է նշել, որ Deepseek-ը գրաքննում է հարցումները՝ անտեսելով բողոքի ակցիաների և մարդու իրավունքների թեմաները:
