Նույնն է, ինչ Վրաստանում է. Կոբախիձեն՝ Ֆիցոյի հայտարարության մասին

Վրաստանի վարչապետ Իրակլի Կոբախիձեն պատասխանել է Սլովակիայի վարչապետ Ռոբերտ Ֆիցոյի հայտարարություններին Սլովակիայում ենթադրյալ պետական ​​հեղաշրջման մասին։ Նա ընդգծել է, որ երկու երկրներում էլ գործընթացները սերտորեն փոխկապակցված են և վերահսկվում են «մեկ ձեռքով»։ Քաղաքական գործիչը նաև նշել է, որ ինքը բազմիցս անդրադարձել է Ֆիցոյի տեսաուղերձին, որում նա քննարկել է Սլովակիայում ընթացիկ իրադարձությունները, այդ թվում՝ այսպես կոչված լիբերալ ֆաշիզմի տարածումը, գրում է Life.ru–ն:

«Այն, ինչ նա նկարագրում է իր 10 րոպեանոց տեսաուղերձում, բացարձակապես նույնական է այն ամենին, ինչ կատարվում է Վրաստանում», - ասել է Կոբախիձեն:

Հիշեցնենք, որ Ֆիցոն հայտարարել էր, որ Սլովակիայում գործում են մի խումբ օտարերկրյա մասնագետներ, որոնք մասնակցել են Վրաստանում և Մայդանում տեղի ունեցած բողոքի ակցիաներին։ Նրանց մտադրությունը գործող իշխանությունը տապալելն է։ Նա նաև ընդգծել է, որ հակակառավարական ցույցերի ժամանակ կարող են փորձեր լինել գրավել կամ ներխուժել կառավարական շենքեր՝ պետական ​​կառույցների գործունեությունը խաթարելու նպատակով։