Նավթի գները նվազել են Թրամփի հայտարարությունների ֆոնին

ԱՄՆ նախագահ Դոնալդ Թրամփի հայտարարություններից հետո հինգշաբթի երեկոյան նավթի համաշխարհային գները նվազել են 1%-ով: Այս մասին գրում է РИА Новости–ն՝ հղում տալով առևտրի տվյալներին:

Երևանի ժամանակով ժամը 20:47-ի դրությամբ Brent տեսակի նավթի մարտյան ֆյուչերսների գինը նվազել է 0,91%-ով՝ հասնելով 78,28 դոլարի՝ մեկ բարելի դիմաց, իսկ WTI տեսակի մարտյան ֆյուչերսների արժեքը նվազել է 1,17%-ով՝ հասնելով 754,56 դոլարի։ 

Ելույթ ունենալով Դավոսի Համաշխարհային տնտեսական ֆորումի մասնակիցների առջև՝ Թրամփը հայտարարել էր, որ մտադիր է ՕՊԵԿ-ին խնդրել իջեցնել նավթի գները: